2047香港監察召集人錢志健（阿Ed）最近喺加拿大東岸宣揚香港嘅雨傘運動後回港，有乜手信帶畀港人？佢帶咗加拿大世界小姐Anastasia Lin （林耶凡）嗰把靚聲，喺空氣中同香港嘅聽眾相聚。
今年25歲嘅華裔女仔林耶凡係2015年加拿大小姐，曾經喺美國國會聽證會就中國嘅人權狀況作證，提醒大眾關注法輪功遭受迫害，亦因關注中國人權，令到父親喺內地受騷擾。
阿Ed今日會同佢做電話訪問，節目聽日喺網台D100「對沖人生路」播出，傾吓佢12月去中國海南島參選世界小姐總決賽有乜準備，以及對中國人權問題嘅睇法。阿Ed今次去加東，除咗講香港人要真普選，仲同流亡海外嘅西藏第二代見面，分享彼此嘅民主抗爭之路。