近日樓市話題之一，必定是新地（016）以近百億投得元朗站地皮，這幅新界西北地王將來開售價如何成焦點。有專家以今天區內二手造價再加上建築成本推測，幾年後賣樓花時呎價可能高達1.8萬元，比今日區內二手價貴近五成 。但又有乜出奇，今日山旮旯新盤都賣到差不多水平， 公屋呎價都過萬吧。
落錯車 恐難再上車
無人能估計將來會發生甚麼事。2003年樓市低潮時，同樣由新地發展的元朗上車屋苑Yoho Town，當年首批最平一個單位只需70餘萬元，是回歸後全港入場費最平新盤，平均建築呎價只是1,560元，相信當時沒有人有水晶球能預知12年後的今日，屋苑樓價能夠上升數倍，真是升到你唔信。那年200萬元亦已買到太古城。還記得2004年西鐵通車後不久朋友以100餘萬元購入一個細單位自住，朋友在購入單位後也積極游說我買，仲話好抵，不如買返間，首期不用10萬元。很可惜當年我沒有聽朋友的話。其間樓價不斷上升，但朋友因只有一層自住樓關係，唔通賣咗瞓街，故一直持有物業至今。其間發生甚麼事就算個天塌下來也毋須理會，只要準時供樓便可。但當然，首先你要有一份穩定的工作。保守估計其物業這些年已升值至500萬元，食盡樓市10年黃金升浪，真替他高興。早前朋友家中增添新成員需搬回市區，但Yoho仍沒有出售，只因驚賣了買唔返，故轉作出租，每月收租過萬，自己則在市區補多幾千元租樓，讓手持物業由它升值。
身邊有朋友抵受不住數十萬元利誘，在2004年賣出沙田區一個兩房單位，打算先行獲利，待樓價回落再買。可惜，他的如意算盤打不響。一次落錯車，之後一直未能再上車，其間更被業主加租搬了三次屋。加上租金不斷升，單位越住越細。如果中途下了車，代價可想像。奉勸各位如非必要不要輕易沽出自住樓。近年樓價急升，有業主寧願將物業加按，也不願出售物業，造成近年市場缺盤，這是其中一個原因。Yoho 3期快將推出，而且開售價一定不會低，相信同區二手價仍有機會向上。
記者：朱連峰