【壹週刊】有錢就是任性，作為建制派，田北俊間中就會唔聽北京指令。○三年，他率自由黨臨陣倒戈，令廿三條立法拉倒；去年佔領期間，他叫梁振英考慮辭職以謝天下，遭阿爺搣柴、免除政協之位；但未夠一年，田少又因為「唔等發叔」、投票撐政改而獲中聯辦來電稱讚。「究竟中聯辦對我哋嘅睇法係好定唔好？我諗佢哋都處理唔到，即係又愛又恨啦。大事大非我哋屬於建制，但個別事件，我哋對事唔對人。」
那邊廂，田北辰也是對事不對人，炮轟田北俊在政改投票一役「拒絕跟大隊，還要恥笑隊友是豬」，兩兄弟都無情講，「喺我角度嚟講，田北辰係初哥，我做咗廿幾年議員，佢先啱啱做咗兩年。你個（新民）黨魁葉劉都話自己跟錯蠢人，又喊又道歉，你使乜叉隻腳埋嚟，講咩跳船論？點解你唔同葉劉講，話『新民黨唔需要道歉，我哋做得好啱』？咁新民黨咪分裂？」