【論家庭】
談及與股票淵源，詹劍崙稱「唔多唔少」受父親詹培忠影響，「屋企人成日叫幫手check股價，細細個睇報紙電視，接觸得多就有興趣，炒咗30年」。
膝下3名兒女，暫時無一與股票相關，兩個女兒十餘歲，兒子則就讀大學，修讀中東研究，認識6種聯合國語言，「比較有語言天份，但數學冇咁好」，詹劍崙臉上溢出自豪神色。
他無意要兒子接班，「佢最好做自己嘢，喺屋企又學唔到嘢，但做錯嘢又整到屋企，後生嘅應該出去試下，錯嘅都係人哋嘛」。
多年前詹劍崙與老婆Clara有件趣事，話說他2012年時曾收購瀋陽公用（747），但突然要出澄清通告，原來Clara在2010年及2011年間以近百萬元買入股份，收購後才獲詹太告知，被列一致行動人士。
不過，現實上詹生詹太並不一致，各有各炒股，「交流（股票心得）都無，你話坐埋一齊炒？唔會，咁師奶㗎咩」。