【本報訊】陪女士捱過每月煩惱天的女性衞生用品，不單質感要好，對健康的影響亦不能忽視。婦產科醫生靳嘉仁指，女性私處有汗水和分泌，衞生巾尤其面層，緊貼皮膚，必須吸汗、吸水和透氣，「棉質係最好，因為對皮膚刺激最少，好似着嘅衫咁，棉質亦比較透氣，容易乾，舒服啲」。
靳指從健康角度，衞生巾的面層以棉質為上選，「（衞生巾）越多棉質越好，但你就要接受棉質冇咁long-lasting（耐用），冇人造纖維可以維持到咁耐，同埋鎖水力又唔夠強」。
他又指，不同牌子衞生用品選用的人造纖維不同，使用時要留意皮膚反應，如有不適應即時停用，「如果係對嗰種物質、嗰隻衞生巾有反應呢，一睇皮膚就睇到㗎喇，佢直情個形狀係船形咁，一撻紅咗色，個邊好sharp，少少浮腫，凸咗出嚟」。他解釋，一般皮膚敏感，不會有清晰形狀，而衞生巾材質和陰道炎則沒有直接關係。
■記者張嘉雯