約莫4年前，林俊賢復出幕前，貪靚嘅佢一頭白髮現身，猶如中華英雄，嚇窒觀眾。「當時有一日，突然全身紅腫，我還以為我熱氣，後來一直未消腫，先去睇醫生。醫生話過敏，要打針，打激素，依家變成慢性，冇得醫，抵制力低就會發作。」林俊賢說。
「我有染髮，發病就乾脆一不百了。唔染，我又自我感覺良好，就由佢。」大條道理，講就好豁達，退出娛圈多年，依家出返嚟，一齊拍《男兒本色》嘅黎明早已上晒岸，林俊賢有冇妒忌？
林俊賢笑言：「感受與依家差唔多，我OK，依家覺得條條大路通羅馬，而且我慶幸我知道現時我想要乜嘢。有咩發展要睇大家想點，我一個話唔晒事，但定向要係我鍾意嘅，就去做。而且要就晒我，因為我有蕁麻疹，唔捱得，病發會成臉腫，影響拍攝，我又唔可以打針，會影響健康。」
經歷過低谷，「我鍾意」三個字講得特別有力，林俊賢話現時最想要嘅，係得到認同。