96年退出娛圈從商，但經營不善，後來更炒燶股票，林俊賢話，真係一鋪清袋。「真係一無所有，當時我覺得，兩句說話可以概括，大地在我腳下，變成我在大地腳下，用傷心二字來形容並不過份。」
人生人大衝擊，林俊賢當時唔知點樣面對，只識得唔開心，幸好佢識同自己講「好正常，我不過係普通人一個，遇到失敗好正常。」但話晒都係喺電影圈賺返嚟嘅第一桶金，得來不易，點解會揀風險咁大嘅投資？「當年唔覺得股票風險大，未見過，唔知道。然後就學識，原來咁樣碟餸會燶，要交很多學費。」
學費的確好甘，但林俊賢仍堅持，自己嘅投資理念係正確嘅。「我一直都覺得我嘅投資理念是正確嘅，第一次輸俾自己，第二次有一半唔係我責任，第三次更唔係我責任，所以我冇錯，所以我現時仍管理基金。」
「我想贏，但亦輸得起，喺遊戲規則絕對公平嘅情況下，我絕對輸得起。就如打籃球，我已經一打五，你仲要拎走個籃？好，我最多放棄進攻，一味防守。你仲要搵四個人綁住我雙手雙腳？咁你一定贏，咁就叫唔公平。」當年情況就係咁？林俊賢點點頭。