腦場我都行咗好多年，但竟然俾我發現有按摩器，今次都真係破天荒第一次！其實近大半年來，腦場真係冇乜主流產品，可以定到大家購買方向，可能由於這個原因，出現了「白家電」產品試水溫的情況。
這部德國品牌的「SKG敲敲樂真人捶打按摩器」，有21種仿真人按摩模式，15種力度調校，如果講技巧，一定冇我平時搵開的按摩師好手勢，但如果講力度，去到最盡的15級，真係有種鎚鎚入心的感覺，加埋機身內置熱敷功能，對於肌肉放鬆真係幾有效；須知肥通日日對電腦，一個星期下來總會因肩痛而需要用按摩膏搭暖水袋來瞓覺，有相似經歷的人，應該會明白箇中原因；這部機亦有類似的放鬆功效，不過最重要是唔似暖水袋般，會在肩頭上兩邊走。安全性亦好重要，由於它是直插電掣的，而非大家用開的USB設計，所以機身亦加入了過熱自動斷電功能，提高安全性；機價不算太貴，$399的價錢，當買隻HDD吧。
查詢：展昇（深水埗黃金商場地面42至44號鋪 ）
記者、攝影：朱崇德