【本報訊】開波喇！新一屆英超球季昨晚正式開鑼，備受港人追捧的曼聯在揭幕戰順利以1:0擊敗熱刺，亦帶來一班熱血球迷出動睇波。香港曼聯官方球迷會昨晚於尖沙嘴一酒吧辦睇波活動，吸引120名狂迷參加，酒吧負責人關先生表示球季開鑼將帶動球迷消費，未來生意額有望增加三成。
英超球季昨晚開鑼，香港球迷亦再次出動，不少專程到酒吧睇波，尖沙嘴赫德道一帶酒吧人頭湧湧。
曼聯官方球迷會招新血
而香港曼聯官方球迷會昨午起一連兩日，在尖沙嘴一大型商場舉行首次球迷招募活動，以球衣印字、食肆優惠及紀念品等招徠，短短6小時已吸引過百球迷入會。晚上球迷會再殺入同區一酒吧，舉行今季首個睇波聚會。120名曼聯球迷逼滿酒吧，甫開賽已高唱會歌，每當愛隊球員出現在大螢幕，都興奮狂呼。而球迷會選用的酒吧開業至今大約半年，負責人關先生相信英超球迷將是未來重要收入來源，預計每月會帶來額外三成生意。
■記者鄭嘉慧