鄧慧詩與男友林慕德、蔡和平等，昨日在尖沙嘴出席活動，拍拖近兩年現已同居的林慕德與鄧慧詩全程表現甜蜜，林慕德說：「佢咁靚，我成日覺得佢好多人追，初初驚佢唔要我。𠵱家真係日日都係初戀，日日都好似初識咁，結婚就遲啲先講啦！」鄧慧詩指兩人認識30多年，但有20年沒聯絡：「有次喺街撞到交換卡片，嗰陣都冇乜誠意㗎！」