喺中國武漢舉行嘅東亞錦標賽，噚日進行咗女子組嘅最後一輪分組賽，由於賽事採取單循環分組賽制，即係經過三場之後累積最多分數嗰隊就攞冠軍，賽前齊齊以六分高踞榜首嘅北韓（圖）同南韓，噚日嘅決鬥就變相係一場冠軍戰。喺今屆賽事好有決心贏冠軍嘅北韓，保持強勢，憑尹松美同隊長羅恩心上、下半場各建一功，以2:0贏波，最終以三戰全勝嘅姿態無敵封后，成功衞冕。