英超三支升班馬上周六一同登場，以上季英冠亞軍屈福特表現最佳，作客2:2賽和愛華頓，相反諾域治主場以1:3不敵今季異軍水晶宮，般尼茅夫也主場落敗。
水晶宮輕勝諾域治3:1
水晶宮今季重要收購為法國中場卡比耶，此子放棄聖日耳門高薪回流英超，只為答謝在紐卡素期間的恩師柏度。水晶宮由柏度領軍下，已成有力挑戰歐洲賽席位異軍，前線續用賓捷安、格連梅利及韋費特沙夏三叉戟，39分鐘就由韋費特沙夏接應賓捷安傳中，「車身」施射，射破諾域治大門。換邊後，水晶宮由迪米恩迪蘭尼入波，加上卡比耶埋齋，贏3:1。
同日其他升班馬戰果，屈福特由後衞拿恩上半場先開紀錄，主隊愛華頓一度由巴克利勁射追平，但前鋒恩哈路83分鐘為屈福特再度領先，之後愛華頓再由干尼建功，終以2:2完場。上季英冠冠軍般尼茅夫主場鬥星散的阿士東維拉，雖然埋門較多，但把握力差，維拉由前鋒基斯泰迪建功，以1:0險勝。由雲尼亞里接任領隊的李斯特城，憑占美華迪先開紀錄，加上馬列斯梅開二度，主場4:2大勝新特蘭。
文：牽牛
