英超新球季噚日揭幕，衞冕嘅車路士喺開波前夕就先公佈咗個好消息，為新一季開個好頭：領隊摩連奴（圖）已經續約四年，即係話至少會留喺史丹福橋到2019年夏天。據當地傳媒報道，摩佬嚟緊四年嘅人工總值高達3,000萬鎊（約3.6億港元），唔怪得佢喺記者會上咁好口啦。「寸王」好風騷話：「如果球會高興，我就高興；同球會簽新合約，我覺得係一件好正常嘅事。」