【壹週刊】王晶揀「晶女郎」嘅品味，真係跨世紀不變，由昔日嘅邱淑貞同關秀媚，到近年嘅李思蓓、梁敏儀同高海寧，只係要啱心水嘅巨峰，王晶都願意多多關照。
現年37歲嘅李思蓓，以前喺大台只可算係四線演員，但自從投靠王晶後，經常有份參與電影，做晶女郎長達12年，算係王晶最長情嗰個。
至於同李思蓓身材都係D Cup嘅高海寧，本身已經盛傳係殼王陳國強頭寵，殼王舊同學兼老死王晶，亦對高Ling如晶女郎咁百般呵護，去年安插佢出演由發哥與張家輝孭飛嘅賀歲大片《賭城風雲2》，性感比堅尼上陣，好搶鏡！
另一位「掹車邊」晶女郎梁敏儀，06年簽約加入王晶公司。雖然身材34B嘅佢唔係最得寵，但就非常搏殺，早兩年王晶拍古惑仔系列電影《江湖新秩序》，梁敏儀就願意全裸露點演出，當係回饋對方多年照顧。