「我喺某金融大機構打工，最近被辭職。我老闆係跑數嘅，我做助理係絕對唔使跑數嘅。心情唔好就攞我出氣，我永遠係發洩對象，佢係極品衰老闆中嘅極品！
個客落錯價、過咗個cut-off time叫我寄DHL，寄唔到俾人鬧。當我忙緊公事，無啦啦叫我幫佢整佢自己私人電話列表，呢個唔係我工作範圍唔係問題，出於好心幫你唔係問題，問題係我做緊正經公事，又係我錯俾人鬧。最最最離譜係，每次放完假返公司一定會俾人問候。
我明明全部嘢交帶好，hardcopy同softcopy畀咗同事，口頭同email講咗有乜要留意要做，只要同事無做或做錯一樣，又係我錯又俾人鬧。每次解釋都一定話我搵藉口，做咗幾個月我都想走，但為咗個CV要好睇我點都忍。但佢日日投訴我話我工作有問題，我估唔到係管理層為咗佢逼我走！我係一個普通小市民，冇父幹冇高層撐我可以點？惟有辭職！
我受夠了！性格唔樂觀的話，真係一早去跳樓啦！我想問下如果你係我，你會點做？」
收到你的電郵好一陣子，故意拖延不覆，是你氣在當頭我講甚麼你都會和我辯論甚至打擂台。話雖如此，但你應該還是氣難下繼續抱怨發牢騷，我有冇估錯？
究竟作為一個助理的職責是甚麼？雖然糧是公司出的，但請你來的目的，即是你的職責，是助你老闆處理他的業務，這一點你是搞不清還是根本不知道？就是因為你分不清，導致你會被迫辭職的主要原因。所以當你老闆向公司投訴你工作有問題，公司當然不會留你，關你有沒有背景或者有沒有後台甚麼事？但絕對關你和老闆相處不來的事。
歸根究柢，是你的性格、態度、思維，所有待人接物都出問題。
張慧敏
http://www.facebook.com/HKcareerdoctor