基斯坦奴朗拿度（C朗）因為背脊受傷，冇跟皇家馬德里去德國慕尼黑踢奧迪盃而留喺馬德里養傷，不過佢都好支持球隊，前日同家人包括佢個囝囝小C朗，喺屋企睇皇馬對拜仁場決賽。雖然C朗好落力喺部大電視前幫隊友打氣，但皇馬冇咗佢始終差啲，結果喺87分鐘俾拜仁慕尼黑前鋒羅拔利雲度夫斯基（紅衫）攻破大門而輸0:1，今夏仲首次喺法定時間輸波㖭。