【本報訊】《明報》前總編輯劉進圖去年被斬案，被指在案中擔任車手的首被告出庭自辯，稱他在內地街頭無端被捕，跟着遭公安連續三晚逼供，不斷盤問兼「冇得瞓冇得坐」，公安更稱中央不欲事件演變成政治問題，要他認罪，若不妥協便要在國內接受審訊及判刑，其間遞上被判死刑的張子強案例。
記者：陳美莉
報稱是電器技工的首被告葉劍華（39歲）供稱，他與次被告黃志華於去年2月26日到內地揼骨及到東莞探朋友，惟於3月8日與黃食消夜時，突有十多名男人將他倆按下，其間有人手持他的回鄉證相片並說：「佢係葉劍華！」葉稱當時未知對方身份，對方取去其手機銀包後，脫去他的皮帶將他雙手反綁帶上車。葉曾問所為何事，對方回應：「轉頭你會知發生咩事！」
遞上張子強判死案例
葉稱當晚被帶到廣東省第一看守所後，被迫令蹲一小時。辯方在庭上要求葉即席示範，法官杜麗冰看罷形容屬一般蹲下的姿勢，笑稱：「我有時喺太古廣場都見到！」葉指公安曾問他：「你喺香港斬劉進圖，係咪你做？」他否認，即被公安從後箍手兼毆打面及胸腹足足5分鐘。他形容：「我覺得佢盡晒力（咁打）﹗」
公安不斷重複盤問他「有冇做過」，他否認便被掌摑及毆打，其間不可坐下，又不准睡覺，「佢哋就有換人，我就冇得換人」。葉連續三晚被帶到房間，被盤問至天光，日間只准午睡一小時。第三晚時，有公安向他直指：「你有做過，香港畀咗你啲資料我，確認咗！」房內一名穿軍裝較高級的公安更稱：「中央政府唔希望呢個係政治問題，你快啲認咗佢！」並說若不合作，便不會帶他返香港，將他留在國內審訊及判刑，刑罰包括死刑及無期徒刑，更向他遞上中國法律書及案例。
案例提及在香港犯事者於內地亦可受審，更引用張子強作例。葉昨在庭上坦言：「我只有妥協，你想我點做！」公安事後盤問了他超過一星期，更要他在文件簽署和印指模，他雖未曾細閱，但看到是用繁體字撰寫，知道是誣衊他在香港干犯傷人罪行的文件。
至3月17日，有兩名自稱香港警察的男子到看守所，後知其中一人為高級督察吳浩然，二人向他稱：「我𠵱家帶你返香港，但你要同我合作，唔係我唔帶你返去！」葉昨坦言：「我梗係想返香港，我梗係合作啦﹗」同日即獲安排被帶到皇崗，臨行前公安再度叮囑他要與警方合作，否則帶他返內地接受審訊及刑罰。
案件編號：HCCC328/14
