網民心目中真正《羅生門》女主角吳日言(Yan)，最念念不忘乜嘢？原來係掃街食好嘢。
動新聞期間限定環節《食指動》，於是誠邀佢到深水埗周街掃，以有限budget，食盡無限美味，包括啖啖肉皮脆而不肥嘅$18燒雞腿、$18馳名港九嘅蛋牛治、每碗$10嘅冰凍豆腐花，以及$7有4條嘅超抵食腸粉。自稱食肉獸嘅阿Yan當然有彈有讚，到底邊檔食到佢拍爛手掌，邊檔又扣分呢？
被問到有冇諗過開番檔街頭美食時，阿Yan：「好似小環姐咁賣魚蛋？」原來佢反而想攻打零食界，將來開番間「512阿言屋」！
有一腿真功夫雞腿捲 / 深水埗荔枝角道333號
新香園(堅記) / 深水埗桂林街38號A
阿一豆花 / 深水埗桂林街103號
合益泰小食 / 深水埗桂林街121號