上世紀的電影說，2001年人類便能上太空漫遊，但對港人來說，2017，先至上得。提供民航太空服務的環宇太空（XCOR）將於兩年後以專機方式，帶港人上太空，須付出旅費22萬美金（約170萬港元），便可到太空鳥瞰地球，此豪華團至今有4位港人報名參加。
除了藝人鄧紫棋（G.E.M），盛諾集團（Sinomax）營銷總監林仕超也報名上太空。33歲的林仕超稱，自小已很喜歡太空，上太空也是兒時夢想，報名參加此團以來，不時留意該太空飛機裝嵌的進度：「至今都冇縮沙感覺喎……上到梗係想睇吓個地球，好想感覺成個太空嘅寧靜、冇重力嘅感覺。」
2017穿越卡門線
包括林在內的這批合共12位「優先宇航員」將在2017年到太空旅遊，團員會在美國集合，然後在當地升空。為盡顯富豪級享受，不計機師，每位參加者也是一人包機直上太空。由登上太空飛機至降落地面，全程約1小時。參加者將身穿太空衣，飛到北美上空，該處離地面100公里、穿越地球與太空之間的的「卡門線」，參加者更會在太空逗留5至6分鐘，然後返回地面。
將團友帶上太空的太空飛機（山貓二號）將於本年底完成裝嵌，明年正式試飛；提供民航太空旅遊的環宇太空亞洲公司行政總裁鄧偉賢，明年底前也搶閘試飛：「作為管理層，要率先去體驗，確保安全性，希望（我向客人推銷時）唔會得個講字……我嘅心態只係興奮，冇驚喎。」有意參加太空旅遊者或擔心安全問題，鄧指該公司會安排參加者年底先到荷蘭受訓兩至三日；過高血壓、懷孕婦女、患心臟病、兩年內動過手術等的人士均不能參加。
他預計日後民航太空漫遊的市場成熟後，該公司的飛機一年可載800人上太空：「到時參加者可能要排兩年先去到……到時嗰啲未來宇航員，（團費）大約要10萬蚊美金。」
■記者姚國雄