周汶錡上月初誕下囝囝Jacques，昨日她產後首現身會展的嬰兒品牌活動，弗爆身形的她笑言是朋友圈中最乖的媽媽，坐足月才出街，問到收身絕技？她說：「我都唔知，由陀B到𠵱家都幾lucky，好快就收到身，我都有進補，主餐食得有營養啲。」
周汶錡透露Jacques現時重9磅多，有時抱得太耐會覺得攰，問到囝囝是否已轉食奶粉？她說：「啱啱開始食，我唔話你知餵咗幾多日人奶。」周汶錡笑稱現時老公有仔萬事足，回家第一件事是飛奔去抱囝囝，連妹妹周麗淇亦只掛着姨甥仔，至於會否搞百日宴？她說：「諗緊，因為好多朋友都見過BB，所以再搞都好似冇意思咁。」
採訪：譚倩宜
攝影：沈健程