周三歐聯外圍賽第三圈次回合賽事全部完成，歐洲足協會喺香港時間今晚六點開始進行歐聯同歐霸附加賽嘅抽籤，香港球迷最關心嘅戲碼之一相信係曼聯會對邊隊。
歐聯附加賽分為冠軍組同聯賽組各10支球隊對壘，曼聯被列為聯賽組嘅種籽隊，有機會喺附加賽對意甲嘅拉素或者法甲嘅摩納哥。另外，曼聯喺周六開鑼嘅英超打頭陣出擊，主場迎戰熱刺，據講主帥雲高爾已經決定要迪基亞坐冷板凳，由羅美路把關。
歐聯歐霸附加賽今抽籤
至於前紅魔球員尹佩斯（RVP）同拿尼（圖）就慘慘豬喇，RVP喺今夏轉投嘅費倫巴治，但周三歐聯外冇份踢，費倫巴治作客薩克達慘敗0:3，總比數同樣淨輸三球出局，冇機會喺今屆歐聯倒戈咯。