曾志偉早前患痛風症需坐輪椅代步，昨日他現身銅鑼灣出席活動，情況已見好轉，行得走行，還與「三哥」苗僑偉鬥快踩單車，志偉笑說：「我隻腳唔係好到（唔夠長）。」志偉直言現在要戒口：「之前飲咗酒仲食咗蝸牛，搞到隻腳好腫，𠵱家近乎乜嘢都唔食得。」而曾寶儀早前與爸爸一齊參加內地真人騷時盆骨受細菌感染，至今未痊癒仍需休息。
阿佘成搶手貨
對於佘詩曼、徐子珊、朱璇等相繼「等約滿」後離開無綫，近年亦好少跟無綫合作的志偉說：「未來想開個新節目，但只靠電視藝人唔夠，希望歌影視藝人幫手。」志偉又直認：「出面金錢好大引誘。」問他是否要加人工？他說：「係，內地同香港價錢唔成正比，相差太遠，如果仲留低喺香港係一份感情，無綫應該尋求新方法。人際同公司與公司關係複雜，要調整吓，我都會反映。」三哥亦認同謂：「唔使講，差天共地，巿場問題，無綫又冇競爭對手，但藝人都要搵食。」
佘詩曼前晚和昨日均出席活動，她透露明年2月約滿無綫，現在已有多間公司向她招手，傳聞當中包括邵氏兄弟和寰亞，她說：「初步係有傾過，但唔係寰亞，係其他公司同TVB。」邵氏呢？她說：「係呀！聽樂小姐（樂易玲）講出面有好多戲開，好似《上海灘》、《大時代 》等。」但是否最想結婚嫁人？她衝口而出說：「我都想呀！」阿佘昨日在活動上，與韓國化妝師好好傾，問有沒有盡地主之誼帶對方周圍玩？阿佘反叫記者約男化妝師食飯。
另外有傳阿佘嫌黃浩然而拒演劇集《呂后傳》，黃浩然昨日在灣仔出席活動時表示未有所聞，只說：「自己私下同阿佘都OK，大家之前合作都係愉快嘅，演唔到係有其他原因。」
採訪：卓寶花、黃曉妍、譚倩宜
攝影：沈健程、陳順禎