想去玩去蒲，總會搵到N咁多個理由。F1放緊有成一個月咁多嘅悠長假期，到咗今個月21號先喺比利時站重開，目前喺車手榜一枝獨秀嘅平治車手咸姆頓（左），呢期就去咗巴巴多斯度假，參加豐收節派對狂歡。最近同咸仔傳出緋聞嘅美國R&B天后Rihanna（右）都有同場現身，不過咁，識食嘅咸仔仲有同好多身材火辣嘅女士跳舞，仲喺社交網站上載咗短片，又懶型咁加咗句hashtag，爆粗話「我唔X理咁多」。