【本報訊】學生衝入校委會抗爭，在戴耀廷眼裏，是雨傘運動的延續──當以文明手段爭取無果，自然有人會以規則以外的手法抗爭。當粗口、勇武也改變不到現狀，他們自然會調整路線，「你話嗰啲係港豬都好，咁係需要佢哋肯參加抗爭」。
「同喺雨傘時候一樣，老一輩人話唔好用呢種方法，但學生會話仲有乜嘢方法呀？」於是激進的取代溫和、之後是更激進的取代激進。他的觀察是當學生向前走多步，更激進的人會再走出來，所以出現了停車場圍堵事件，「發展規律就係咁樣，如果政府唔處理，係可能爆發暴動」。
他堅持以非暴力贏取民心，相信年輕人發現勇武方式可能有反效果便會調教，「呢個係抗爭歷程同藝術」。翻開世界各地人民自決權文獻，他強調自決不是搞獨立，而是要尋索在主權之下，一個地區如何自治，包括如何建立民主機制、日常自治權如何行使「講緊一種國際標準的自治，而非白皮書下嘅自治」。
■記者雷子樂