【本報訊】粵劇紅伶林家聲於1965年成立頌新聲粵劇團，創作逾40部優秀粵劇，被譽為林派藝術，他更提攜後輩，入室弟子包括林錦堂、蓋鳴暉、周振基等。弟子兼契仔周振基是聲哥臨終前陪伴在側的其中一人，他昨早接受本報電話訪問時說：「他噚晚食完飯，9點幾都好哋哋，突然冇知覺冇脈搏，call白車送廣華急救，醫生搶救至11點13分宣告死亡。」
白雪仙神情凝重
而蓋鳴暉與聲哥感情深厚，二人更有上契成誼親，昨早她接獲聲哥死訊，遺憾未能送他最後一程。
蓋鳴暉接受電話訪問時哽咽：「親人冇咗，我會永遠懷念爹爹，林家聲先生，佢一切會常在心中，希望佢一路好走，永遠照耀我哋。我𠵱家心情好難過，腦海一直只係浮現同師傅過去嘅畫面，尤其係佢喺做戲同做人處事上畀我好大啟發。師傅人生經驗豐富，佢對我猶如再生父母，佢教識我好多藝術造詣，令我終身受用。」
白雪仙、陳寶珠及梅雪詩等昨晚現身尖沙嘴文化中心，出席羅家英及汪明荃的福陞粵劇團27周年紀念活動。
白雪仙由陳寶珠及契仔攙扶到來，仙姐神情凝重，顯得傷感，問到聲哥辭世更全程一言不發。原本大會安排眾人影合照及接受訪問，她們都一一拒絕。梅雪詩傷感道：「好唔開心，好唔舒服，同聲哥好耐冇見。」
■記者張俊銘
