巴塞隆拿周三公佈新一季球衣號碼，丹尼爾改着6號，之前佢力撐抗癌戰士艾比度，曾轉去22號，今季轉着6號，轉向中東發展嘅沙維致敬，新兵阿達杜倫同阿歷斯維度就未公佈新號碼住。巴塞亦公佈埋新一季四大隊長，正隊長係「小白」恩尼斯達（左），第二至四隊長係美斯、布斯基斯同馬斯真蘭奴，碧基最後就冇份加入隊長之列。