仲記得個半月前，中國女足（紅衫）勇闖世盃八強，內地球迷紛紛高呼「玫瑰綻放」、「巾幗英豪」，點知變臉可以變得咁快！但「鏗鏘玫瑰」周二喺東錦賽次輪搏到盡，但最終仍然以2:3輸畀北韓女足；現場江東父老好唔滿意，高呼教練郝偉下台。雖然有傳郝偉有離心又同隊員不和，但點解全隊辛苦換嚟嘅500萬人民幣世盃獎金，𠵱家一毫子都未收到？中國足協話要等國家體育總局審批先畀到喎。