【前晚銅鑼灣】神劇《大時代》早前重播，煲紅了大佬孝邵仲衡，本報前日傍晚6點左右，在銅鑼灣發現他與人妻譚小環行街。短褲加T恤背囊的大佬孝，與小環去到時代廣場，從13樓開始逐間餐廳選擇，最後在11樓一間西餐廳開餐。坐下沒多久他們各叫了一杯雞尾酒，大佬孝喝了一口後，即遞給小環試飲，該頓晚餐他們吃了兩個小時才離開。
淡定唔備案
昨日大佬孝接受電話訪問，解釋與小環拍港台劇《圍城》而熟稔，他說：「劇裏面佢演我老婆，我成日都話『小環你癲㗎，咁貴租你賣魚蛋。』噚日喺去睇小環間舖順便食飯。」他笑言期間碰到小環老公蔡強榮（Eric）還拍了合照，他說：「Eric同啲同事喺樓上開會，我哋喺樓下食飯。兩個人飲一杯嘢好閒啫，叫咗兩杯cocktail，我嗰杯味好濃，咪叫小環試吓囉。」提到可有向太太交代時，大佬孝甚有大佬風範說：「使乜知啫，問到咪照直講囉。」
小環對於「約會」被撞破，在電話回應說：「得啖笑，老公慣咗我咁，唔使交代。」對於一杯酒兩份飲，她解釋說：「人一世物一世，乜都要試吓，我講嘅係未飲過呢款cocktail，大佬孝叫咗咪畀我試一啖，下次同人講開都話試過嘛。」她更大方表示下次老公再被影到跟女子約會亦不用大驚小怪，Eric受訪時亦表示對太太絕對信任。
另外，譚小環日前在facebook貼了一張攬帥哥坐電單車的照片，據知俊男車手叫Jordan，除了是小環魚蛋檔的股東，也是莫少聰外甥。
採訪：李森、楊定
攝影：梁繼光
