有傳媒前日報道，話工黨立法會議員何秀蘭嘅議員助理陳小萍喺去年佔領運動期間，因為投入雨傘運動工作減為半職，何秀蘭議辦於是只向立法會秘書處申領陳小萍半份人工，雙方同意安排。查實呢個安排獲唔少人讚好，覺得何秀蘭同助理都好公道，做事分明。
但原來古仔未講完，噚日何秀蘭特別就此發出聲明，話原來陳小萍另一半未領取嘅薪津係由佢個人支付，即係陳小萍每月收入分毫不減，其後工黨得悉呢件事，為咗支持雨傘運動，就負責支付嗰一半人工。
何秀蘭話，因為報道話佢替助理申領半份人工，引起佢嘅議辦剋扣工資疑雲，對報道深感遺憾，發聲明以正視聽喎。