【本報訊】屢創新高的青衣「公屋王」長安邨，今年5月安海樓一個海景單位以335萬元易手，一度成為全港最貴未補地價公屋，然而買家最終撻定。身為消防員的業主篤信玄學，他接受本報訪問時坦言，單位放盤時，「風水師傅話，你個單位應該賣唔出。」結果言中，目前打消換樓念頭，搬回公屋單位居住。
青衣長安邨安海樓海景戶，實用443方呎，外望海景，對岸為荃灣市，今年5月以未補地價335萬元易手，呎價7,562元，當日成為全港最貴綠表公屋王。然而，買家看見傳媒報道後，發現同類單位當時成交價介乎260萬至270萬元，自覺買貴，決定撻定，連同代理佣金損失約12萬元。事後該名撻定買家以約260萬元購入同一屋邨一個未補地價的公屋單位。
與母搬回單位居住
「公屋王」撻定後，業主沒重新放售單位，他說：「最重要媽咪唔畀，老人家年紀大，但求安穩。」又稱：「風水師傅話，你個單位應該賣唔出。問咗兩、三個風水師傅都係咁講，話賣到未必好。其中有風水師傅話我條命只有正財，無橫財，佢話間屋搵到正財，做乜要換樓，又夾我啦，間屋會出公務員，咁又出咗。」他指單位已封盤不賣，目前與母親搬回該公屋單位居住，暫未考慮賣公屋換私樓。
■記者陳家雄