【水泉澳邨】
與啟晴邨同屬中國建築承建的沙田水泉澳邨，政府堅稱食水安全，拒絕派水車，但政黨抽驗單位的食水樣本都發現含鉛量超標，居民直斥被遺棄，「政府蝦我哋條邨少人住，由我哋死！」居民陳太為兒子健康，自鉛水風波後不敢煲湯；蘇太則每日由市區抬樽裝水到位處山上的水泉澳。
「政府由我哋死」
民主黨及新民主同盟曾於水泉澳邨抽驗共4個單位的食水樣本化驗，均驗出食水含鉛量超標。政府雖一度驗到有單位水辦超標，水務署更曾派水車到邨，但到場5分鐘就駛走。其後政府更稱超標水辦因受污染，堅持食水安全，拒絕為居民提供樽裝水、水車。
育有一名6歲男童的陳太，一家三口輪候公屋六年終獲派到水泉澳邨。惟入伙一個月，鉛水殺到，為兒子健康她自費買樽裝水。
鉛水風波令一家人生活大受影響，「以前都會煲吓湯、煮吓飯，𠵱家一日三餐盡可能都出街食」。陳太自費購買樽裝水、外出用膳，每周要額外花1,000元，兒子更懷念媽媽的美食，「阿仔都會問我，媽咪你幾時煮飯？幾時有湯飲？𠵱家我都唔敢煲湯，我哋又唔喺有錢人，都要慳住用啲樽裝水」。
單親媽媽蘇小姐與4歲女兒入伙一星期，但已花逾3,000元買濾水器及濾芯，「對政府完全失望，佢蝦我哋條邨少人住，不聞不問，又唔派水車、又唔派水，政府由我哋死，自生自滅」。她又稱邨內只有一間超市，「我都要返工，放工間超市就收咗，惟有每日放工就由市區抬水返屋企」。
■記者譚靜雯