【本報訊】9個月前港視（1137）開台，主席王維基刻意不做廣告，9個月後他力谷網購，今次卻轉軚豪花逾3,000萬元賣廣告，成為香港開埠以來首次在港鐵所有站落廣告的人，手法變了，但「以港行先」的核心價值未變，王維基的目標只是由打造「一個有民意支持的電視台」，變成建立「一個以香港為中心最大嘅購物網站」，下一步更會進軍東南亞及其他華語市場。
記者：石永樂
王維基再化身「推銷員」，「出咗廣告幾日，生意好合乎預期，24小時都有單落，凌晨3點、4點都有單落，比賣廣告前，生意多咗逾5、6倍，還在增長中，因我哋仲有好多嘢未做，報紙廣告，派40、50萬本catalog（每本附送100元優惠券）」。他自言是香港首位在51個港鐵站、3,268屏幕賣廣告，宣傳活動維時8星期，無非想「畀香港人一個訊息，HKTV mall係以香港為中心最大嘅購物網站」。
指港零售業需轉型
雖然王維基認為網購不會取代實體店，但認為香港零售業需轉型，否則「好大鑊」，因消費模式已變，而且變得很快，「香港人好落後，最慘係自己唔知自己落後……過往幾年，因自由行帶動，只要租到舖，每年就有幾十百仙增長……如果香港再無一個自己嘅網上購物大型商場，難以想像5至10年後香港嘅消費模式會演變成點樣，仲以為自己喺銅鑼灣就大晒」。
中大市場學系教授冼日明認為，貨品獨特性及售價是網購成功與否兩大關鍵，港視今次亦將銷售產品擴展至日用品，現金回贈亦由原來的3%提高到5至15%（大部份為10%），但業界質疑，港視可能「賣一件蝕一件」，對此王維基始終不肯正面回應，僅重申零售業毛利率不低，一般超市毛利率32至35%，「以超市為例，100蚊生意，賺35蚊，15蚊交租，得番20蚊，但仲要承擔壞貨、其他開支，只賺3%」。但承認3,000萬元廣告開支今年難回本。
港視目前有超過7萬件貨品銷售，但王維基強調全是「正價正貨」，「一路唔希望價錢上競爭，否則就做水貨啦，bypass（繞過）晒所有進口商、零售商及分銷商」，冼日明亦提到，只要對手減價回應，港視便失競爭力。
每日派人到超市格價
王維基又表示，每日派6名「抄價員」去主要超市格價，不是要平過人，而是貼市，「我哋好乖仔，跟足市價去做，睇唔到點解（主要超市）有reaction（反應）」，王維基表示，暫不擔心會遭到地產商、超市的封殺。
自轉型電視業務後，港視股價由最高的5元回落至昨日的2.04元，王維基承認，若以股價看是失敗，並形容港視不是電力股、收租股，而是科技股。他無正面回應港人是否不支持港視，只說「香港人好忙，每日放喺娛樂嘅時間唔係好多……如有幸有下一次機會，一定會做得更加好」。
