「我被舊公司挖回巢，負責走之前同一個項目經已快半年了。最近項目完成新系統面世了，我的工作被外判商的新同事取代。換言之，我係被『用完即棄』，好處係，工作量不高但薪水照出！想請教在這種情况下我該如何應對？我有嘗試email問過大佬一次攞嘢做，佢扮睇唔到。我老細打算年底前將成team人撤走，問我留唔留低做支援，但一來support悶，二來一個人可能workload高，看來真係唔走唔得了！在團隊入面，我一向都是被人放在阿二阿三阿四的位置，可能是工作錯配，也可能技術不精吧，請問見新工時怎樣描述自己這半年來的職責？」
不是說回頭草不能吃，但公司之所以邀你回巢，無非貪你熟悉運作是為項目執手尾及埋尾的最佳人選，根本不是真心賞識你。不要告訴我你答應回巢之前未曾有想過會有今日的局面出現。都說便宜莫貪，唔使點做但人工照出的工作，老細唔會死錯人，你應該早知不會咁大隻蛤乸隨街跳。恕我直言，你為人疏懶做事毫不積極得過且過是但求其就算，根本未曾認真為你的未來籌謀計劃過。你要是真心問大佬攞嘢做，關係自己前途存亡的事，怎可能只發一個電郵隨便問？他不理睬你，很正常！
以你這種工作態度，被投閒置散怪得了誰？要是工作錯配，你既然走了為甚麼還要回來重蹈覆轍？要是技術不精，為甚麼不是痛下苦功將勤補拙精益求精？連自己這半年來的職責都不曉得如何描述，這半年注定是被你白白浪費的了！你說你是被用完即棄，坦白說我會說你是自暴自棄。你要是不肯長進不知悔改，誰救得了你？你要學習你要進步，誰能阻你？少壯不努力，老大徒傷悲！
張慧敏
http://www.facebook.com/HKcareerdoctor