由中環大業主置地主辦嘅「鼠戰中環」，已經成為中環每年一度嘅慈善盛事，原來呢個活動今年已經踏入10周年。為隆重其事，置地今年中跟一份兒童雜誌合作，舉辦「未來鼠王服飾設計比賽」，10款得獎作品被製成巨型老鼠立體模型，即日至10月25日放喺置地旗下中環物業展覽，又係畀人影相、selfie上載facebook嘅好玩意。
10位得獎嘅小朋友噚日出席頒獎禮，兼且同老鼠影相。有份參與籌辦「鼠戰中環」嘅籌委會聯席主席何子澎，亦影埋一份。
行埋啲睇，何子澎件西裝褸好似黐住咗塊芝士喎，佢其實係戴住一個芝士心口針。華華以為佢專登買嚟襯番今次活動，好奇問佢喺邊樹買，原來係第一屆「鼠戰中環」嘅紀念品，隔咗成10年都keep到！