最近Pixar套《玩轉腦朋友》大紅大紫。呢部動畫故事概念，係講每個人腦入面都有五個「情緒專員」（阿樂、阿愁、阿憎、阿驚同埋阿燥），面對唔同問題時，到底會點諗，從而表達每個人內心掙扎嘅畫面。千頌C就係度諗，如果我係以下5個人或Party，遇到唔同情況，「情緒專員」又會講啲咩？（以下情節純粹搞gag）
1）近日屢次「發功」的沈大師
阿樂：「幾好呀，篇篇文hit rate都咁高，完全證明到我地位超然。」
阿愁：「唉……我寫升，佢就跌；我寫跌，佢就升，唔通連個天都想我做燈？」
阿憎：「啲人冇悟性，完全參透唔到實戰理論精粹！同你地嘈都嘥氣，以後咪睇我啲嘢！」
阿驚：「我再寫方向嘅話，如果又錯咁點算，我都係寫REITs算啦。」
阿燥：「嘈嘈嘈！輸死你班仆X！」
2）40萬求婚男
阿樂：「Stephanie BB，全世界都知我又浪漫、又幸福了，我愛你！」
阿愁：「點解我咁浪漫啲人都會笑我，我灰到唔想結婚啦……」
阿憎：「你哋班死毒L，唔抵得我有錢又有女，睇死你哋Ritz Carlton門口都未去過啦！」
阿驚：「死啦，咁多毒L見到Stephanie BB個靚樣，佢會唔會俾人搶咗去㗎？」
阿燥：「X！哥有的是錢，是浪漫，你老X，葉朗程樣都唔見，就學人笑X我？」
3）Excel/少年股神面對殼股大跌
阿樂：「我個Excel終於有新用途啦！可以計吓我輸幾多錢！」
阿愁：「點解我咁叻都輸錢，到底我呢個牛市做過啲乜嘢？」
阿憎：「中國銀行同中國銀行香港，都係差兩隻字啫，次次都借題抽水，咪使指意我教你哋用Excel炒股！」
阿驚：「訪問我？我乜都唔知㗎，你問EXCEL啦。」
阿燥：「好喇喎！你哋班葡萄L再嘈嘅話……我嬲㗎！」
4）人行面對跌市
阿樂：「我們只有牛市。」
阿愁：「為甚麼外資總要跟我們對着幹，妒忌我們的強，惡毒地沽空A股？」
阿憎：「救市這回事，你們懂條鐵嗎？全世界不賣股、不沽空、不減持，有甚麼難度？」
阿驚：「讓領導先走！讓領導先走！」
阿燥：「X！沽貨吖嗱！拉晒你班仆X！」
5）小市民面對強逼金再蝕錢
阿樂：Hi Auntie！
阿愁：Hi Auntie！
阿憎：Hi Auntie！
阿驚：Hi Auntie！
阿燥：Hi Auntie！
千頌C
http://fb.com/winbigwok
本欄隔周三刊出