馬德里體育會都算陰濕，上場友賽作客日本鳥棲砂岩踢到企晒喺度，結果被逼和1:1。噚晚佢哋喺中國約戰上海上港（上海SP），搞到大家都對有孔卡壓陣同由名帥艾歷臣領軍嘅上港充滿信心，點知馬體會又突然玩認真，半場由基沙文入兩粒領先2:0，換邊後再由王子費蘭度托利斯（紅白間）埋齋，最終大炒上港3:0，搞到買咗上港嘅球迷喊得一句句。