恒生（011）噚日公佈業績，大家除咗關心說好的特別息去咗邊樹？當然仲想八卦一姐李慧敏（Rose）何解一擲3.75億元買入太古地產（1972）喺東半山司徒拔道嘅豪宅傲璇OPUS HONG KONG喇。
有記者一輪嘴追問Rose，話OPUS呢個單位都好貴，唔知佢買呢個單位係咪睇好香港樓市下半年前景？又問佢以個人名義，還是跟老公（金融界猛人袁天凡）聯名買？鍾唔鍾意個設計？
可惜，Rose貫徹低調作風，只談公事，話「呢日係恒生2015年上半年嘅業績報告，咁我喺度就唔談我嘅私人情況喇，多謝關心」，一招太極就耍走大家了。
翻查恒生年報，Rose舊年總年薪2,063萬元，儲錢買豪宅唔係話冇可能，不過同老公合資，又或者係老公送畀Rose做禮物嘅可能性應該大啲喎。