中證監、官媒不斷渲染敵對勢力惡意做空，搞到而家內地股民有種心態，就是只要捉到班內鬼，然後繩之以法，就萬事大吉，大市就會掉頭向上。問題係，到底邊個係鬼？阿爺嚴打期指淡倉、又唔准股東減持，最新一招係查封34個有高頻交易的基金戶口，但係越捉鬼，大市越跌。
有股民評論，A股到今日仲未止跌，最大原因係捉錯用神，到而家都未知誰是敵人。A股交易制度有問題，中證監唔去改善，反而周圍捉鬼，搞到人心惶惶，大戶、基金都唔敢入市。
其實呢種情況，香港市民應該最熟悉。內地官員最鍾意一招叫轉移矛盾，一有起事上來，就賴敵對反華勢力作祟，既容易向上交代，又可掩飾自己無能。喺呢招之下，香港政情被越搞越亂，如果中證監學埋中聯辦做嘢方式，A股有排都救唔到。
黃尹華