環境局噚日宣佈成立回收基金諮詢委員會，協助推行啱啱成立嘅回收基金，希望委員就基金嘅整體管理同運作問題，向政府提供意見同建議，任期本月1日起，為期3年，香港生產力促進局會提供秘書處服務。
八方睇過回收基金諮詢委員會嘅名單，香港五大商會包括總商會、廠商會、中總、工總同中出都有份，不過，當中又以工總威啲喎，因為身兼工總副主席嘅經民聯深水埗區議會主席郭振華做咗委員會主席，較其餘四大商會多咗一席。
而民建聯蔣麗芸嘅老公梁海明，就代表中總入咗呢個委員會；佢對回收有乜專業意見？可惜政府新聞稿冇解釋。環境局局長黃錦星就話，香港面對緊逼切嘅廢物處理挑戰，需要推動回收業有效運作同可持續發展，以增加廢物回收再造同減少喺堆填區棄置廢物。