紅軍領隊羅渣士近年成日俾人笑亂花錢買貴貨，較早前連利物浦名宿加歷查都話羅渣士以超過3,000萬鎊買賓迪基，似乎買貴咗。不過，賓迪基（右）喺周日就終於替羅渣士出番口氣，皆因喺紅軍對史雲頓嘅友賽中，首度披甲嘅賓迪基20碼窩利抽入，幫球隊先開紀錄，最後紅軍就以2:1勝出。另一名首次上陣嘅紅軍新兵羅拔圖法明奴亦表現唔錯，相信令唔少紅軍躉鬆一口氣。