電影《賭城風雲III》昨日在將軍澳舉行開鏡儀式，演員周潤發、劉德華、張家輝、張學友及劉嘉玲等出席，現場發哥更成為其他演員集郵對象。戲中張學友將會演嘉玲情人成為發哥情敵。
發哥接受訪問時表示跟學友及華仔的合作差不多是25年前的事，他說：「對上同學友合作係《八星報喜》，再等25年都唔知拍唔拍到喇！到時都八張幾。」他笑言雖然有加片酬，但戲中要分飾石一堅及賭神兩角，都只收一份片酬，但被同場的嘉玲大爆是演員中唯一有分紅的演員，她說：「你係有得分紅喎，除咗你冇其他人有。」被發哥講笑要在行山時推嘉玲下山。
以陳刀仔造型出現的華仔指皮褸是新造的，他說：「因為舊嘅墊膊太大，又趕唔切留頭髮。」他透露原本想翻拍《旺角卡門》，不過王家衛表示版權不知在誰人手上。
撰文：李森
