俾人惡意掟嘢應該點回應？阿甲聯賽貝格拉諾周日作客競賽會，比賽中途有主場球迷將一個食咗一半嘅漢堡包掟入場，個包落咗喺客隊門將桑卡路士奧拿夫（圖）嘅腳邊，分明係衝住佢而嚟。長髮飄飄嘅奧拿夫果然瀟灑，冇發嬲之餘仲執起個包，做吓樣扮咬咗兩啖，仲示意多謝掟包落去嘅球迷㖭。奧拿夫最終成功保住清白之身，守和競賽會0:0收場。