祖雲達斯傳奇球星查斯古特（圖）今日重臨香江！08年曾隨隊訪港對南華嘅查斯古特，今次為亞太區祖雲達斯網上商店進行啟動儀式，下午兩點半會喺尖沙嘴The One現身，仲會挑戰現役港隊門將謝德謙，阿謙話期待見到呢位國腳級人馬，因為細過時就睇佢踢世界盃，好想同佢較量。除咗阿謙，查斯古特仲會即場教授2014全港學界精英賽嘅神射手廖澔弘射門絕技。