事關港大百年基業，緊急速成，不能等埋首副了，今日即刻叫阿茂，上西環特訓反插水班，學嘢：
一，垂直插水時轉移視線大叫：有人用個胸襲擊我！周圍都有人，有人一定有胸，有胸一定有動機施襲，屁股唔單止指揮腦袋嘛！
二，驗傷時公開，個膝頭哥被胸襲到呢，瘀爆！水能覆舟，但膝頭哥不是獨木舟，護膝vs胸圍的大戰，西環拍板，不日肉搏。插水？只會引發風濕，點會咁傻。
三，倒地後即刻單腳換回醫生袍，向公眾表明，又唔係郭晶晶×伏明霞這批國寶，抽水就得，單膝屈曲垂直轉身插水，只會拿到零分，有頭有面的人，冇理由咁笨！
四，將衣櫃裏的波衫丟晒佢，明確立場：唔係曼聯粉絲，唔撐雲高爾，最想朗尼PK。咁，球迷收貨啦啩。
五，澄清倒下的第一時間，已經半閉雙目，唱起國歌來，起來起來起來……明心見志，又點會唱住國歌插水呢，太唔莊重！太唔嚴謹！記得一再重申，太唔欣賞那個痛苦地抱緊膝頭的愛國鋪屎！跪求各界，del晒所有照片！