網上噚日熱論，話香港公民教育委員會同青年事務委員會共同成立嘅國民教育小組，喺2009年十．一推出嘅《心繫家國．汗水篇》宣傳片，展示神舟七號升空嘅成就，卻變成涉嫌借助外國勢力。
有網民發帖話：「有日睇電視咁啱播《心繫家國》，我又無聊睇晒成條片，俾我發現佢哋偷片。」八方發現嗰條約30秒短片，右上角嘅幾個螢幕，出現咗1969年嘅美國太陽神11號升空片段，難怪唔少網民嘲諷，包括話特區政府「心繫美國」、「港共政府宣揚心繫美帝訊息」，有人仲叫NASA（美國太空總署）告香港政府㖭。想睇《心繫家國》可到： http://bit.ly/1IRapHm ；想睇太陽神11號升空片段則可到 http://bit.ly/1Su8soR