近期復出幕前的80年代小生林俊賢，日前接受有線訪問，當年有傳他愛過劉嘉玲，但為免影響對方事業，於是退出娛樂圈，林俊賢笑說：「我梗係有愛過劉嘉玲啦！佢咁靚女，一定會有遐想，講笑啫，大家只係拍戲嘅舊拍檔，更加唔會因為佢退出啦，咁幼稚咩？」他亦有提及當年因投資失誤而陷入人生低潮，他說：「嗰陣幾乎一無所有，壓力真係好大，亦體會到人情冷暖，好彩最後識得調整心態。」對於女兒林鈺洧（Denice）進軍娛樂圈，林俊賢說：「其實我唔係極力反對，我係支持佢入行嘅，經濟封鎖只係我其中一套策略，𠵱家唔方便講你知。」他亦不介意女兒的身材成為外界焦點，他說：「其實都只係個數字，係身體嘅一部份，唔需要太介懷。」
撰文：張曦彤