貪新厭舊、人之常情！現在有一條簡單選擇題，如果在腦場內有Win10同Win8.1兩部平板電腦，相同價錢你會買邊部？選定後先繼續看下文。
經sales的「精算學」計算後，得出的標準答案竟然是Win8.1！咪以為佢係「射波」或「吹波」，其實當中不無道理。首先是系統方面，Win8.1絕對鐵定可以免費升上Win10，這只是一個時間題，有時遲升，未必唔係好事，始終暫時能升上Win10的電腦不多，可能有些少缺陷的問題，還未浮面。一定有問題嗎？這是一個好難有「標準答案」的問題，不過如果你是Windows的多年用戶，自己都有一點心得吧！
第二就是Office 360的問題！新Win10隨機附送一個永久免費的Word、Excel及PowerPoint，肥通試用過，基本應用冇問題，不過功能相對非常簡單；但跟Win8.1的是一年免費的Office 360，這可是一個功能齊全的軟件，而且現時市價都近$500。
再退一步說，就是買Win8.1的平板，升上Win10後再啟動Office 360，而隨機送的簡化版Word、Excel及PowerPoint你都可以一齊使用，係咪點計都冇得輸先？「Sales精算學」、絕非浪得虛名！
查詢：正都電腦(深水埗黃金電腦商場地庫49, 51, 53, 55號舖)
記者：朱崇德