上個禮拜一滬指大跌逾8%，中證監當晚發微博，話將核查集中拋售股票情況，當時大家睇到都「嘩」一聲。跌成咁，有貨掟貨都係人之常情，唔通咁都要拉？冇錯！中證監上禮拜五話，所謂集中拋售，是指利用持股優勢進行操縱市場的行為，擺到明要砌生豬肉。
之前7月9日公安部話查惡意做空，但到而家都冇下文，難度在於，內地法律其實無惡意做空呢條罪。不過，證券法、刑法就都有操縱證券價格罪名，最多可以判十年監。所以中證監之前幾次解畫何謂惡意做空時，都會提到操縱價格呢個point，將來先可以告得入。
今次要打集中拋售，亦係照辦煮碗，先按上一條操縱市場罪名，之後再慢慢砌。即係話，如果你持有好多股，一下放出去，就係操縱市場，可能第日就拉得，問你死未。
黃尹華