拍大台劇《警犬巴打》外景，三十多度高溫冇冷氣，陳秀珠就擔櫈仔抖涼，黃浩然就要除褸啦！
呢日Bosco孖住黃浩然同陳秀珠，喺佐敦為劇集拍外景，半百途人圍住位於佐敦的鴻運大廈出入口。佢哋除咗要捉賊，又要同唔識做戲嘅Bobby狗做對手戲，NG咗十幾次，加埋三十多度高溫冇冷氣，大家都大汗叠細汗。要消暑大家各有法寶。
人肉乾煎，Bosco就吹風扇仔。見慣世面嘅陳秀珠，即使被途人圍住狂影都一於少理，在大廈門外擺好櫈，一有空檔就攝出門外，坐一坐補妝抖涼。至於早前因為患上貝賽特氏症一度停工的黃浩然，西裝加背心熱到不停標汗，之後佢終於忍唔住，熱到要除低西裝褸，入面件恤衫已濕透，途人見到都忍不住講句，話唔怪得之黃浩然咁熱都唔除褸啦，濕到咁，實好大陣味。大台錢真係唔易搵呀！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/