有時勉強得到都冇好結果。好似靠公平競爭攞到歐霸盃參賽資格嘅韋斯咸，上周四喺第三圈外圍賽首回合對艾斯特拉，踢成2:2之餘仲有主將安拿華倫西亞（圖）重創；雖然「槌仔」話要等周一做埋詳細檢查，但睇佢跌落地嗰吓應該好傷，盛傳佢起碼要唞五至六個月，要操番起狀態都要一段時間，同宣佈收「咧」冇咩分別。